SANDAR KIWO - Marubuci Balarabe Murtala (Baharu)

A yi hakuri da yadda format din ya hargitse amma dai shi wannan shafin an tanade shi ne don karatun labarin kawai ba wai don yin nazari akan Format ba. idan ana son mai format a sanar a group sai a turo da rich text na script din.

ESTABLISHMENT SHOT OF A CITY

EXT. MAKARANTA (BAKIN KOFA) - DAY

Wata mota ta alfarma ta nufo bakin kofar makarantar.

DIREBA

hannunsa na hagu ya fito da shi waje rike da ID Card.

SECURITY I

Rike da littafi ya dakatar da motar, Direban ya mika masa ID Card din. sannan bayan tabbatar da sunan direban a cikin littafin, ya yiwa abokin aikinsa alamar ya bude masa kofa ya wuce.

SECURITY II

Ya bude kofar yana mai daga hannu ga direban. Motar ta nufi cikin makarantar yayin da muke jin hayaniyar daliban na karuwa.

EXT. MAKARANTA (HARABA) - DAY

Kaiwa da kawowar yara maza da mata dalibai cikin kayan makaranta, kowanne ya nufi wajen mai jiransa, ko motar da za'a dauke shi. Motar ta gama tsayawa.

DIREBA

Yana daga ciki a zaune ya bude kofarsa. Hafsat I (5) tare da wasu yara Faisal da Mabaruka, sa'anninta suka fito daga aji dauke da jakunkunan makarantarsu a baya.

FAISAL/MABARUKA

Suka nufi wajen motar su a guje cikin murna.

HAFSAT I

Cikin sanyin jiki ta nufi wani dandamali ta zauna fuskarta kamar za ta yi kuka.

INT. KAMFANI (DAKIN TARO) - DAY

Sauran manyan ma'aikatan kamfanin a gefen dama da hagu a zazzaune kowa da takarda a gabansa, meeting yayi zafi ana ta muhawara. Faruk (43) da kaninsa Garba (28) suna fuskantar juna.

GARBA

Yayi shiru yana satar kallon Faruk.

FARUK

Cikin yanayi na damuwa, hankalinsa ba ya tare dasu, ya sake duba agogo hannunsa, kafin ya dauko wayarsa yana bugawa cikin saurare idanuwansa na kallon Garba.

INT. GIDAN FARUK ( FALO) - DAY

Falon cikin matsakaicin haske cike da sauran kayayyakin kawata gida. Mayafi da jaka a kan kujera a ajiye. Rahma da Kande a cikin kitchen suna aikin abinci tare, wayar Rahma ta hannu na gefe a ajiye.

RAHMA

Ta zuba abincin a cikin flaks.

KANDE

Ta dauka ta nufi kan teburin abinci za ta kai. Rahma ta daga kai ta kalli agogo cikin yanayi na kokwanto, ta cigaba da aikin da ta ke yi, yayin da Kande ke jera abincin a kan tebur.

Wayar ta fara kara.

RAHMA

Ta dauki wayar ta kai kunne ba tare da ta tsaya da aikin ba.

Kun taho ne?

MURYAR FARUK

Ai ban ma tafi dauko ta ba, saboda wani mitin da muke yi a ofis.

RAHMA

Ta sake kallon agogo cikin damuwa

Amma gashi har lokacin tashinsu ya wuce.

MURYAR FARUK

Nima ba haka na soba, amma don Allah yi kokari kije ki dauko ta.

RAHMA

Rahma alamar takaicin abin da ya fada.

To shi kenan.

Ta kashe wayar, cikin sauri ta nufo inda mayafinta yake ta dauka ta yafa, sannan ta bude jakar ta dauki makullin mota, bayan ta sake kallon agogo daidai da lokacin da yake kan karfe daya ta wuce.

KANDE

A dawo lafiya.

RAHMA

Allah yasa.

Kande ta koma kitchen, Rahma ta bude kofa ta fita.

EXT. AKAN TITI - DAY

Zirga zirgar motoci a kan wani babban titi, har ya zuwa wata danja da ke bada hannu, motar Rahma na cikin jerin motocin da aka dakatar.

RAHMA

A cikin mota ta saurara, har ya zuwa lokacin da launin wutar ta chanja zuwa koren launi. Sannan Rahma ta dauki wani titin mai karancin motoci.

EXT. MAKARANTA (HARABA) - DAY

Kusan yaran saura 'yan daddeku yayin da Hafsat I ke zaune ita kadai.

HAFSAT I

Ta sake kallon kofa, cikin karin damuwa, ta tashi ta nufi wani abin za ta zauna.

Motar Rahma ta shigo wajen cikin matsakaiciyar tafiya.

RAHMA

Ta hangi Hafsat I tun kafin ta tsaya, sannan ta fito da sauri ta nufi wajen yarinyar.

Hafsat!

Hafsat I ta kalli wajen kiran, nan da nan cikin murna ta runtuma a guje ta nufi inda Rahma ke tahowa, har ta isa gareta suka rungume juna, sannan suka juya suka nufi mota.

HAFSAT I

Umma, ina Abba na?

RAHMA

Tana rike da hannunta cikin murmushi Abbanki aiki ne ya tare shi, ni kuma na tsaya girkin abinci. Ta budewa Hafsat I kofa ta shiga ta rufe, itama zagaya ta shiga motar ta bar wajen.

INT. KAMFANI (DAKIN TARO) - DAY

Surutai kowa na fadar albarkacin bakinsa, Faruk Ya dakatar da su da hannu, suka saurara.

FARUK

Shikenan ya isa haka, kowa yaje ya koma bakin aikinsa. Ni zan san abin da zan yi akai.

Suka fara fita, har Garba ya mike zai fita.

FARUK (CONT'D)

Zauna, Ina da magana da kai.

GARBA

Ya koma ya zauna jikinsa a sanyaye ya kasa hada ido da Faruk.

FARUK

Ya gara masa takardun da ke gabansa.

GARBA

Fuskarsa cikin karin damuwa ya dauki takardun ya duba kana ya ajiye.

Don Allah Yaya...

FARUK

Ya dakatar dashi da hannu

Babu wani Yaya, ina ka kai kayan mutane mota guda na taki?

GARBA

Ya dago kansa a hankali.

EXT. BAKIN HANYA (KOFAR STORE) - DAY

Wata babbar mota a tsaye lullube da tampoling bayan motar a kofar store, leburori sun zagaye ta suna jiran fara sauke kaya. Garba da Alhaji Barau suna daga gefe rakube da motar.

ALH. BARAU

Cikin yanayi na hilata

Haba Garba kai ma kasan na yi kokari.

GARBA

Amma dai Alhaji ko yau muka fara harkar nan ai ya kamata ka doramin wani abu a kai, farashin nan yayi kasa kwarai.

ALH. BARAU

Ya dan yi jim

To shikenan na kara ma hamsin in yaso ranar Litiinin sai na rubuta check na dubu chasa'in na baka sauran dubu dari sati na sama sai ka zo ka karba.

GARBA

Fuskarsa ta sauya

Ban gane ba Alhaji, dubu dari da chasa'in ka sa yi motar takin guda.

ALH. BARAU

Yanda na ke saya haka na saya. Kudi na da nake binka fa da kuma asarar da ka sa na yi ta wadancan kayan fa?

GARBA

Zamiya ka yi kenan?

ALH. BARAU

Ba tare da ya saurare shi ba ya juya ga la burori

A fara aiki kafin rana ta bude.

SHUGABAN LEBURORI

An gama Alhaji.

Suka fara kwance tampoling.

GARBA

Ya yi shiru cikin rashin sanin abin yi.

FARUK

Karo na farko da na biyu na yarda kuskure ne, amma a yanzu ba zan iya hakura ba. Dan ba zai yiwu ka lalata dukiyarka, ni kuma saboda kana dan uwana ka jefa ni cikin gararin da ban san iyakar sa ba.

GARBA

Ya dan yi shiru yana kallon yayan cikin gazawa

Don Allah Yaya ka yi hakuri, nasan na yi kuskure.

FARUK

Yana kallonsa

In har kana son na hakura, sai ka fadamin inda kaje ka sayar da kayan mutane.

GARBA

Ya sake sunkuyar da kansa.

FARUK

Ya daka masa tsawa

Tambayarka na ke yi!

GARBA

Ya dago cikin razana

Doguwa.

EXT. AKAN HANYA (BABBAN TITI) - EVENING

Motar Faruk ta nufi wajen gari cikin matsakaiciyar tafiya.

GARBA

Na gaba a zaune yayi shiru yana kallon hanya.

FARUK

Yana tukawa fuskarsa cikin damuwa, ya dauko waya ya mikawa Garba.

Kirawo min lambar Rahma.

GARBA

Ya karba ya danna ya sa a kunne. Motar ta fara nisa da gari. Ya kasa kama lambar, sannan ya mikawa Faruk

A kashe ta ke.

FARUK

Kira lambar gida.

GARBA

Ya sake kira kamar ransa bai so ba.

Ita ma tana engage.

Ya sake mikawa Faruk wayar. Faruk ya ajiye ba tare da yace komai ba, motar ta nausa zuwa Doguwa.

INT. GIDAN FARUK ( FALO) - NIGHT

Kayan abincin Faruk an jera a kan tebur, Rahma da Hafsat I na zaune a kan kujera, kande ta fito daga kitchen cikin shirin fita dauke da kwanon abinci a leda, tazo ta durkusa gaban Rahma.

KANDE

Zan wuce. Gashi.

RAHMA

Cikin alamu na nuna rashin jin dadi Haba Kande, Wata da watanni kike tafiya da abincin nan, amma kullum sai kin nuna min, bayan shi yace a zuba miki duk yadda ya dace ki tafi dashi, ni kuma na amince ki rinka diba da kanki.

KANDE

in Allah ya yarda ba za'a sake ba.

RAHMA

Tayi murmushi

Allah yasa, dan haka kike fada kullum.

KANDE

Ta mike tana fara'a ta kalli Hafsat I To, hafsat na tafi sai gobe.

HAFSAT I

Karatu na keyi.

Kande da Rahma suka yi dariya, sannan Kande ta fita.

RAHMA

Ya isa haka, lokacin bacci yayi.

HAFSAT I

Ai Abba bai dawo ba muyi karatu.

RAHMA

Dare yayi, sai gobe.

Ta rufe littafin Hafsat I ta kama hannunta suka nufi dakin baccin Hafsat tare agogo na buga karfe takwas.

INT. GIDAN FARUK ( DAKIN HAFSAT I) - NIGHT

Rahma na lullube hafsat da bargon rufa.

HAFSAT I

Tana cikin bargo a kwance. Umma ba muyi addu'a ba.

RAHMA

Ta shafa kanta

To bari mu fara. Rahma ta fara karanta mata Suratul ikhlas da falaq da Nas, hafsat I na bi, suka gama.

RAHMA (CONT'D)

To rufe idonki kiyi bacci.

HAFSAT I

Ta rufe idanunta.

Rahma taci gaba da shafa ta, har ya zuwa lokacin da ta tabbatar tayi bacci, sannan ta tashi ta kashe fitilar ta bude kofa ta fita.

INT. GIDAN FARUK ( DAKIN RAHMA) - NIGHT

RAHMA

A kwance idanunta biyu ta yi shiru kamar mai sauraren jin wani abu. Zuwa wani lokaci ta tashi za ta fita.

INT. GIDAN FARUK ( FALO) - NIGHT

Rahma ta fito daga daki fuskarta cikin yanayi na damuwa, ta nufi wajen teburin abinci ta kewaya yayin da idanunta ke kan agogon bango da ke nuna sha daya da rabi, sannan ta zo ta harde a kan kujera ta yi shiru tana fuskantar kofa. Karar tarhon da ke falon yasa ta tashi da sauri taje ta dauka.

RAHMA

Hello, hello.

Alamar wayar ta yanke cikin sanyin jiki ta mayar da kan wayar ta sake komawa in da take.

EXT. AKAN HANYA (BABBAN TITI) - NIGHT

Yanayin hasken fitilu daga nesa, motar Faruk ta nufo gari.

FARUK

Yana tukawa fuskarsa cikin damuwa.

GARBA

Yana zaune ya dan sad da kansa kasa. Motar ta gilma zuwa shiyyar da hasken ke karuwa.

INT. GIDAN FARUK ( FALO) - NIGHT

RAHMA

A zaune inda take, ta ji sautin injin mota a waje, nan da nan ta tashi ta nufi kofa da sauri.

Suka hadu a kofa, tana kokarin budewa yana kokarin shigowa.

RAHMA (CONT'D)

Mamaki a fuskarta ta dan ja baya dan ya wuce Sannu da zuwa.

FARUK

Yawwa! Kin ganni sai yanzu. Ya nufi kan kujera tana biye da shi

RAHMA

Ina fatan dai lafiya?

Ta zauna kusa dashi tana kallonsa.

FARUK

Wallahi matsalar dai dana fara fada miki a kan abin da Garba yayi.

RAHMA

Cikin sakin fuska

To ai hakuri za ka yi.

FARUK

Hakuri?

Yana yi mata wani kallo

RAHMA

Ta mike fuskarta cikin nuna rashin jin dadin abin da ya fada ta nufi wajen teburin abinci.

FARUK

Inyi hakuri wato goyon bayan sa ma kike yi?

RAHMA

A tsaye kusa da abincin, ta juyo ta kalleshi fuskarta a sake. Ga abincinka.

Ya dan yi shiru na wani lokaci, sannan ya mike ya je ya zauna a kan dayan kujerun ya fara cin abincin, ita kuma ta juya ta nufi wajen fridge za ta dauko ruwa.

RAHMA (CONT'D)

Kamar yadda ka sanar dani rashin samun damar ka na dauko Hafsat a makaranta, da tafiyar ma ya dace ka yiwo min waya ka fadamin. Ta dauko ta dawo wajen sa ta zauna suna fuskantar juna.

FARUK

Cikin cin abinci

Mun bugo wayar a kashe, ta tebur din ma ba ta shiga ba.

RAHMA

Ai kuwa ban kashe waya ta ba, na dai ji kira (ta fadi lokacin) a land line.

FARUK

Ya dakata da cin abincin Duk lokutan biyu ni nasa Garba ya kira.

RAHMA

Ta dan yi jim sannan ta fara tsiyaya ruwa a kofi Wayoyin ne ba su da tabbas!

FARUK

Yaci gaba da cin abinci Hafsat fa, ta yi bacci ko?

RAHMA

Ta kalle shi ta jinjina kanta cikin nufin abin da ya tambaya. Yayi murmushi ya dauki ruwa ya sha yayin da ta daga kai ta kalli aggon bangon da ke nuna sha biyun dare ta wuce.

EXT. GIDAN FARUK ( HARABA) - MORNING

Motar Faruk da ta Rahma a ajiye. Hafsat I sanye da hijabi ta turo kofa ta fito, Rahma rike da hannun Hafsat I cikin hijabi itama.

HAFSAT I

Ta ruga da gudu ta nufi wajen motar Faruk.

RAHMA

Ta yi maza ta bi ta ta ruko hannunta.

FARUK

Ya fito yana waya ya nufo wajen motar. Rahma ta budewa Hafsat I gidan baya ta shiga dab da karasowar Faruk, ita da shi suka shiga lokaci guda.

KANDE

Na tsaye a bakin kofa, har motar ta fita daga harbar gidan sannan ta koma ciki.

EXT. AKAN HANYA (CIKIN GARI) - MORNING

FARUK/RAHMA/HAFSAT I

A cikin mota cikin nishadi. Motar ta wuce ta nufi Kofar wani kanti.

INT. SUPER MARKET (CIKI) - MORNING

FARUK/RAHMA/HAFSAT I

A cikin kantin suna sayayya.

RAHMA

Na zabar kayan abinci/aikin gida, hankalinta na kan Hafsat.

FARUK

Yana daukar kayan wasa na koya karatu.

HAFSAT I

Na dibar kayan wasa, ta dauki wata 'yar tsana. Rahma ta kwace ta mayar.

FARUK

yana dariya ya musanya mata da wani abu.

EXT. SUPER MARKET (WAJE) - MORNING

FARUK/RAHMA/HAFSAT I

Sun fito wani na biye da su da kayayyakin da suka saya. Suka sa kayan a baya, Faruk yayi masa alheri, cikin ladabi ya karba ya koma ciki daidai lokacin da motar ke barin wajen.

E/I. MAKARANTAR ISLAMIYYA - EVENING

MALAMI I

Yana koya musu karatu.

Rubutu akan allo, sauran daliban suna bin abin da Malamin yake fada.

HAFSAT I

Cikin kayan makaranta tare da sauran dalibai.

EXT. GIDAN FARUK ( KOFAR GIDA) - EVENING

HAFSAT I

Tare da sauran yara, sun nufo kofar gidan. Suka iso, babbar cikinsu ta tura kofar gidan, Hafsat I ta shiga ciki, sauran yaran suka wuce.

EXT. GIDAN FARUK ( HARABA) - EVENING

FARUK/HAFSAT I

Suna wasa tare cikin nishadi.

RAHMA

Ta fito ta zo ana yi da ita, ta chanja wasan har ya zuwa da ta ja hannun Hafsat I suka shiga cikin gida.

INT. GIDAN FARUK ( FALO) - NIGHT

FARUK

Na zaune yana koyawa Hafsat I karatu.

HAFSAT I

Ta na bin abin da ya ke karantawa.

RAHMA

Ta fito daga daki sanye da hijabi da kur'ani a hannu ta zo ta zauna itama.

EXT. AKAN HANYA (CIKIN GARI) - MORNING

Motar Rahma ta nufo cikin gari.

RAHMA/HAFSAT I

A cikin motar, Rahma na tukawa, Hafsat I na kusa da ita. Motar ta shigo wata unguwa.

EXT. KOFAR GIDAN SU RAHMA - MORNING

Motar ta tsaya.

HAFSAT I

Ta fito ta nufi cikin gidan a guje.

RAHMA

Ta bude kofar baya ta dauki wata leda ta bi bayan Hafsat I.

INT. GIDAN SU RAHMA (TSAKAR GIDA) - MORNING

Kwanukan abinci da tukwanen girki a wajen wanke wanke.

MAL. HAMZA

Mahaifin Rahma cikin shirin fita, ya nufo kofa, suka yi kichibis da Hafsat I, da ke shigowa aguje, ta rungume shi.

UWANI

Mahaifiyar Rahma, ta fito daga ban daki cikin fara'a. Kada ki yarmin da miji. ta ajiye buta ta taho wajensu.

MAL. HAMZA

Ke da waye?

RAHMA

Ta shigo rike da kayan a hannunta. Salamu alaikum.

MAL. HAMZA

Wa alaikis salam.

UWANI

Ashe tare da uwar suke, sannu da zuwa.

Ta juya ta nufi inda tabarma take ta dauko za ta shimfida, Rahma ta rigaye ta. Mal. Hamza rike da hannun Hafsat I suna biye dasu.

RAHMA

Cikin ladabi

Baba ina kwana?

MAL. HAMZA

Lafiya, Rahma. Yaya mai gidan naki?

HAFSAT I

Ta fada jikin Uwani.

UWANI

Yimin a hankali, kada ki karyamin kafa.

RAHMA

Yace a gaishe ku.

Tana mai mika masa daya jakar ledar Wannan yace na kawo maka.

MAL. HAMZA

Ya karba cikin fara'a da mamaki Kullum dai, Allah ya saka muku da alheri.

RAHMA

Ta sake ajiye daya ledar a gaban Uwani Gashi.

UWANI

Kullum dai. To an gode. Cikin fara'a tana kokarin cirewa Hafsat I hijabi.

MAL. HAMZA

Ya mikawa Uwani ledar

Ni zan fita.

UWANI

Ta karba

Kada ka manta da kanwar.

MAL. HAMZA

To in Allah ya yarda za'a taho da ita.

Suka yi sallama ya fita. Uwani ta tashi ta shiga daki. Rahma ta mike ta nufi wajen kwanukan wanke wanke. Uwani ta fito da urya ta dawo ta sake dora Hafsat I a kan cinyarta.

UWANI

Ta tube hijabin Hafsat I Yau sai kitso ko?

Ta kalli Rahma Da kin barshi sai anjima. Cikin shirin fara yiwa Hafsat I kitso.

RAHMA

Bari dai a yi yanzun.

Ta dauki wani bokiti tana juye ruwan da ke ciki a kan kayan wanke - wanke.

INT. GIDAN FARUK ( FALO) - MORNING

Sautin karatun kur'ani na tashi.

FARUK

Ya fito daga ban daki yana tsane hannunsa alamar ya yi alwala, ya wuce daki. Jimawa kadan Asabe (45) rataye da jaka ta turo kofa ta shigo.

ASABE

Salamu alaikum, ba kowa a gidan ne?

FARUK (O.C.)

Daga daki.

Walakis salam. Gani nan zuwa.

ASABE

Ince ko su Hafsat din ba sa nan ne? Ta nemi waje ta zauna cikin kallon falon tana girgiza kanta.

FARUK (O.C.)

Sun je gidan su Rahma.

ASABE

Ta yatsine fuska.

Kullum ta ke zuwa gidan nasu ne?

FARUK

Ya fito daga dakin, ya dan tsaya yana karasa daura agogo. Duk karshen mako ta ke zuwa. yanzu kike tafe?

ASABE

Ta gyara zama

Daga gida nake, wani abu ya taso ni na ke ta saurin nazo na same ka akai.

FARUK

Ya nufi wajen fredge

Me zan baki? Abinsha ko abinci dan naga kamar kina bukatar dan wani abu da zai kwantar miki da zuciya. Yana kokarin budewa.

ASABE

Ba na son shakiyancin nan naka, ba ciki na kawo gidan ka ba. Wata matsala ce ta taso min shine na zo wajen ka a kanta.

FARUK

Ya fasa budewa

Me ya faru? Ya kashe karatun sannan ya nufo inda take.

ASABE

Kudin adashin nan ne da muke yi na taba dubu tamanin da uku a ciki, shine nazo ka sama min na cika na basu.

FARUK

Ya zauna a hankali suna fuskantar juna Amma Yaya Asabe, me ya kai ki kashe kudin mutane har dubu tamanin, kuma kudin adashi?

ASABE

Ta tsare shi da ido

Ni nace maka kashewa na yi? Kaya muka saya ni da Hajiya Saude ta tafi da su Lagos.

FARUK

Wane irin kaya?

ASABE

Ina ruwan ka da irin kayan? Ya sake sunkuyar da kansa.

ASABE (CONT'D)

Harkar mu ce ta mata. Mun yi da ita shekaranjiya za ta dawo, to sai jiya da daddare ta yiwo min waya, cewar da sauran kudin da bata gama karba ba, sai karshen makon gobe za ta taho.

FARUK

To me zai hana su jira har ta dawo?

ASABE

Yau fa za'a kwashe, sai kuma su jira har zuwa wani satin? ai sai asirina ya tonu.

FARUK

Na dade da baki shawarar ki daina adashin nan, ki daina adashin nan.

ASABE

Kai Faruk ba fada nazo ka yi min ba. Ka ji ko!

Faruk ya yi shiru kansa a sunkuye

ASABE (CONT'D)

Abubuwan da na ke magantawa kaina da karan adashin kasan iyakarsu, ko dan ban biyo ta kan matar ka ba shi yasa za ka fara kawomin kabli da ba'adi?

FARUK

Ya dago kansa da sauri fuskarsa cike da mamaki Me ya kawo Rahma a cikn wannan maganar?

ASABE

Saboda ta mayar da kai rakumi da akala, sai yanda ta yi da kai. Duk wani abu da ba ita ta ce ka yi ba, ba za ka yi shi ba, sai dai kullum ka tare a gindinta da sauran 'yan uwanta.

FARUK

Cikin damuwa ya dago kai ya kalleta Ban yi zaton kema za ki fadi haka ba.

ASABE

Tana kokarin tashi tsaye Za ka bani kudin nan ko kuwa ba za ka bani ba?

FARUK

Yaya Asabe har yanzu ban gama biyan asarar da Garba ya sani ba.

ASABE

Tana mikewa tsaye

Ba za dai ka bani ba.

FARUK

Cikin sassaukar murya

Wallahi a yanzu idan nace ina da kudin da zan iya baki, na yi karya.

ASABE

Allah ya baka.

Ta nufi kofa fuskarta cikin fushi ta fita, yayin da muke jin shigowar motar Rahma a harabar gida. Faruk ya dan yi jim kafin ya mike ya fita.

EXT. GIDAN FARUK ( HARABA) - MORNING

Rahma na kokarin fitowa daga mota ita da Hafsat I. Asabe na fitowa daga cikin gidan cikin fusata. Rahma ta riski Asabe daidai fitowar Faruk.

RAHMA

Cikin ladabi da fara'a

Yaya ba dai har za ki koma ba? Sannu da zuwa.

ASABE

Ta kalleta shekeke ba tare da ta amsa mata ba ta wuce.

HAFSAT I

Ta kama jikin Asabe ta rungume Anti sannu da zuwa.

ASABE

Ta shafa kanta ta janye ta da jikinta ta nufi kofa. Rahma cikin mamaki da rashin fahimta, Faruk ya biyo Asabe.

FARUK

Amma dan Allah Yaya kiyi hakuri..

ASABE

Ba tare da ta saurara ba ta bude kofa ta fita cikin fusata. Faruk ya tsaya shiru cikin damuwa. Hafsat I ta same shi, ya kama hannunta suka juya. Rahma na tsaye cikin rashin fahimta, ya wuce ya nufi cikin gida.

RAHMA

Ta bishi a baya

Me ka yi mata kuma?

FARUK

Babu komai.

Ya tura kofa suka shiga shi da Hafsat I. Rahma ta bishi cikin yanayi na fusata.

INT. GIDAN FARUK ( FALO) - MORNING

Faruk ya isa ga kujera ya zauna, yayin da Hafsat I ta dauki remote za ta kunna talabijin, Rahma ta shigo.

RAHMA

Ta kalli Hafsat I

Hafsat tashi ki shiga daki, nima yanzun nan zan shigo muyi salla. Hafsat I ta kashe TV sannan ta tashi nufi daki, sai da ta shiga sannan Rahma ta zauna kusa da Faruk.

RAHMA (CONT'D)

Gaskiya abin da ka yi bai dace ba.

FARUK

Kinsan abin da muka yi da ita ne, har kike neman doramin laifi?

RAHMA

Cikin sassaukar murya ta na kokarin zama Koma me ya faru. Ai ita ke gaba da kai.

FARUK

Ya yi mata wani irin kallo Ke Rahma bana son haka kinji ko! Dan kawai tana 'yar uwa ta shi kenan sai kawai nace zan bata abin da nasan bani da shi?

RAHMA

Ni nasan ba za ta tambaye ka abin da zai gagare ka ba.

FARUK

Saboda nine dan Karuna. Yana hararta.

RAHMA

Ta kara matsawa kusa dashi cikin lallashi Baban Hafsat, dan Allah ka daure ka yi mata wani abu.

FARUK

Ya mike tsaye cikin fusata Wai me yasa kike neman matsamin ne a kan koda yaushe sai na biyawa 'yan uwana bukatarsu? Wato ke da su gaba daya ba kwa ganin abin da na ke yi musu kenan?

RAHMA

Cikin sassaukar murya

Amma ai dan Allah kake yi, dan zumunci.

FARUK

Saboda haka shi kenan, da abin da ya dace da wanda bai dace ba, sai na dauka na dorawa kaina. Maimakon na yi dan Allah sai na yi dan na ce na yiwa dan uwana, wato na kare da yin riya kenan ko?

RAHMA

Ta bishi da kallo cikin yanayi na gazawa Menene abin riya a cki?

FARUK

Na fuskanci ma kamar ke kike sawa suke yimin abin da suke so.

RAHMA

Wato so kake na zama abar zargi kenan?

FARUK

Ke, wallahi a yanzu, ko ina da damar yi, ba zan yi ba! In dai duk abin da nayi a baya, bai zama dan Allah dan zumunci ba, to wanda zan yi yanzu ba zai zama na lada ba. Kawai ya juya ya bude kofar dakin ya shiga ya rufe.

RAHMA

Ta yi shiru tana mai bin kofar da kallo yayin da ta ji kwalla na neman zubo mata.

EXT. KOFAR GIDAN SU MURJA - DAY

MURJA

Tana fara'a

Da a ka tambayeni a gida, kawai ni kuma nace kai na keso.

GARBA

Yayi wata 'yar dariya

yanzu dan Allah haka kika ce musu?

MURJA

Ta na murmushi ta amsa masa da ka Kai ma kasan kai kadai ne a cikin zuciya ta.

GARBA

Kinsan Allah, jiya da daddare sai da na yi mafarkin munyi aure, na shigo gida na tarar da ke a zaune kin gama abinci kina zaman jiran dawowa ta daga aiki. Na shigo na fara lallashinki har kika hakura.

MURJA

Cikin fara'a

Yanzu dai abin da Baba ya ce kenan.

GARBA

Cikin nuna karfafa zuciya Ai a cikin satin nan zan je na sami Yaya Faruk, a yi duk yanda za'a yi a kawo kudin auren nan.

MURJA

Nasan halin Baba. Kada dai a saba lokacin da ya bayar. Duk abin da Allah ya hore kawai a kawo. Suka yi dariya gaba dayan su.

MURJA (CONT'D)

Sai yaushe kenan? Dan nasan mai yiwuwa in ka tafi yanzu sai na sake bin ka da waya tukuna zan sake saka a idona.

GARBA

Cikin nufin abinda zai fada Ai ba zan dawo nan ba, sai da bayanin lokacin da zasu zo. Suka yi sallama, Garba na tsaye yana kallon Murja har ta shiga gida, ya juya ya tafi fuskarsa cike da farin ciki.

INT. OFISHIN FARUK - DAY

Computer (lap top) a kunne a kan tebur mai dauke da wasu takrdu a kai.

FARUK

Na zaune ya yi shiru cikin yanayi na damuwa ko alhini. Zuwa wani lokaci ya dauki makullin motarsa ya fita.

GIDAN BARAKA (KOFAR GIDA)- DAY

Motar Faruk a ajiye, Faruk na gaba Baraka da mijinta Abdul suna biye da shi sun fito da cikin gidan zuwa wajen da motar ta ke.

ABDUL

Cikin fara'a Yaya Faruk sai yaushe kenan?

FARUK

Ya tsaya jikin motar

Ai zan rinka lekowa na duba ku.

BARAKA

Cikin raha

Ni dai Yaya zan so ka fadi gaskiya.

FARUK

Yana murmushi

Au yanzu karya na fada?

BARAKA

Ba karya ka yi ba, amma wannan zuwan ma na laifin da kasan ka yi wa...

FARUK

...To kaza mai kwanci na ji ya isa haka.

Suka kwashe da dariya gaba dayansu.

ABDUL

To Yaya a sauka lafiya.

FARUK

To na gode Abdul.

Abdul ya juya ya shiga gida.

FARUK (CONT'D)

Ya dada gyara tsayuwa

(Ni kaina nauyin na je na tunkari Rahma na ke yi, dan nasan bai dace na yi mata haka ba.)

BARAKA

(Ai kai ne Yaya wani lokaci in ka yi fushi duk sai ka rikice gaba daya.)

FARUK

(To ai yanzu shine na zo wajen ki neman shawarar yanda za'a yi. Kisan yadda Rahma ta ke, ba za ta taba nuna min ranta ya baci ba.)

BARAKA

(Ai shine na ce maka kai ya dace ka same ta ka bata hakuri.)

FARUK

Ai ni yadda zan yi matan ne na ke tunani.

BARAKA

ta sheke da dariya har da durkusawa.

FARUK

Menene abin dariya kuma?

BARAKA

Ta dago kanta tana murmushi

(Ai abin ne wai mutum da matar sa, amma ya yi mata laifi bai san yadda zai yi ya bata hakuri ba.)

FARUK

Ya kawar da kai

(To shi kenan gama yimin shakiyancin, nima ai za'a zo neman tawa shawarar ko taimako ne a matsayi na na babban Yaya nima sai...)

BARAKA

(...Tsaya tsaya Yaya. Kai ma kasan mu mata wani lokaci sai ka dan lallashe mu ka yi mana shagwaba tukuna mu ke gane inda kuka sa gaba.)

FARUK

Shagwaba kuma haba Baraka sai ka ce wani karamin yaro.

BARAKA

Kwarai kuwa Yaya, ita ma na san hakan ta ke yi maka idan ta yi maka kuskure.

Suka hada ido da juna sai suka kwashe da dariya.

FARUK

To na dai gane abin da kike nufi. Suka yi sallama ya shiga mota ya tafi, Baraka ta yi gida.

INT. GIDAN FARUK ( HARABA) - AFTERNOON

RAHMA

Na zaune cikin yanayin damuwa.

HAFSAT I

Ta fito sanye da kayan islamiyya ta zo wajen Rahma. Umma zan tafi.

RAHMA

To Hafsat, ki yi karatu da yawa kinji?

Hafsat I ta fita, Faruk ya fito, ya tsaya yana kallon Rahma a inda take a zaune, sannan cikin sanyin jiki ya karaso wajenta. Rahma ta kalleshi ta dan sunkuyar da kai.

RAHMA (CONT'D)

Cikin kokarin boye damuwarta Fita za ka yi?

FARUK

Ya zauna kusa da ita

Ke na zo na baiwa hakuri, nasan dole abin ya dame ki. Amma kinsan yanda Asabe da Garba suke yimin dole ne na...

RAHMA

...dan Allah ka bar maganar nan, ta wuce.

FARUK

Naji zan bari, amma ke ma sai kin nuna min kin hakura.

RAHMA

To na hakura.

FARUK

Cikin zolaya

Hakan ne kin hakura?

RAHMA

To me kake so na yi wanda zai nuna maka na hakura?

FARUK

Tun da safe ko murmushi ban ga kinyi ba, sannan ki ce kin hakura?

RAHMA

Ta dan yi murmushi

Wallahi ba ka rabo da abin dariya.

FARUK

Cikin murmushi

Haba yanzu na ji zance, amma duk kin wani bata rai. Kinga yadda kika koma kuwa? Suka sake kwashewa da dariya.

INT. GIDAN FARUK ( FALO) - MORNING

Talabijin na kunne, ana labarai.

KANDE

Na sanyawa Hafsat I robar ruwa a jakar makaranta.

HAFSAT I

Cikin kayan makaranta, a zaune kusa da Kande.

FARUK

(Ya fito daga daki cikin shirin fita yana karasa daura agogo, ya nufi kofa.)

RAHMA

(Na biye da shi rike da jakarsa ta zuwa aiki.)

Suka tsaya a bakin kofa. Daga can za ka wuce Kadunan kenan?

FARUK

So nake sha daya tayi min a Kaduna.

RAHMA

A goben za ka dawo?

FARUK

Yana fara'a

In Allah ya yarda. A daidai lokacin Garba ya yi sallama ya shigo, Faruk ya dan daure fuskarsa.

RAHMA

Cikin fara'a

Garba, sannu da zuwa.

GARBA

Yawwa, anti Rahma. Ina kwana? Suka gaisa a takaice, Rahma ta koma wajen su Kande tana karasa shirya yarinyar.

GARBA (CONT'D)

Ya dan risna

Barka da a asuba.

FARUK

Lafiya lau, an tashi lafiya? Ya nufi wajen teburin abinci, Garba na biye dashi suka zauna, Yayin da Rahma da Kande ke ta kokarin hada Hafsat I.

FARUK (CONT'D)

Ina fatan dai lafiya.

GARBA

Cikin matsakaiciyar murya Daman wata magana ce a game da yarinyar da nake nema da aure.

FARUK

Fuskarsa ta sauya

Matar ka da kuka rabu ko dai wata ce dabam?

RAHMA

Ta dan yi jim alamar ta ji abin da Garba ke fada.

GARBA

Ita wannan bamu dade da haduwa da ita ba, to yanzu iyayenta suka ce ta fitar da wanda ta ke so. Ya yi shiru.

Kande ta mikar da Hafsat I tana goya mata jakarta a baya.

FARUK

Kuma tace kai ta ke so.

GARBA

Ya dan sunkuyar da kai

FARUK

Kai nake saurare, saboda a kan hanya nake.

GARBA

To shine nazo dan na samu akai kudin auren, da kuma sauran shirye shirye.

RAHMA

Ta zo ta same su, rike da Hafsat I. Ta shirya.

FARUK

Ya dada gyara zama

Wato na fuskanci Namajuju ne kai, a aure aure za ka dawwama.

GARBA

Ya dago kansa da sauri.

FARUK

In ba haka ba me zai hana ka dawo da matarka?

GARBA

Ai saki uku na yi mata.

FARUK

Fuskarsa cikin karin damuwa Saki uku? Hakika ka cika sakarai shashasha mara hankali.

RAHMA

Yarinyar nan za ta makara. Ku tafi tare mana sai ku tattauna ko kuma kai Garba ka bari gobe in ya dawo daga Kaduna ka zo nan gida da yamma ka same shi.

GARBA

Ya daga kai ya kalleta.

FARUK

Cikin fusata ya mike

Ai ko ya zo babu abin da zan yi masa. Ya wuce ya nufi kofa.

RAHMA

Ta bishi da kallo cikin rashin jin dadin abin da ya fada. Garba ya mike jikinsa a sanyaye, ya nufi kofa shima. Faruk kamar ya tuna wani abu ya juyo ya dawo ya nufi daki. Garba ya fita.

RAHMA (CONT'D)

Ta bi faruk a baya

Yaya ka dawo?

FARUK

Mantuwa na yi.

Ya bude kofa ya shiga daki,

RAHMA

A tsaye cikin jimami rike da yarinyar, sannan ta ja ta suka fita.

EXT. GIDAN FARUK ( HARABA) - MORNING

Fuskar motar Faruk na kallon kofar fita, motar Rahma daga gefe.

GARBA

Na jikin motar Faruk a tsaye yana fuskantar kofar fita.

RAHMA

Rike da Hafsat I suka fito, ganin Garba a inda yake yasa ta yin sarsarfa.

Garba. Garba ya juyo ya kalleta cikin damuwa

RAHMA (CONT'D)

Nace ka tsaya mana ka yi karin kumallo a nan.

GARBA

Yana girgiza kansa

Na ci abinci kafin na zo. Faruk ya fito yana sanya bandir din kudi a aljihunsa.

RAHMA

Shiga mota Hafsat.

Ta tare Faruk tun kafin ya karaso.

HAFSAT I

Baffa budemin.

GARBA

Ya harare ta.

HAFSAT I

Cikin jin tsoro ta bude ta shiga ta zauna.

RAHMA

Cikin sauke murya

Ban ji dadin abin da ka yi ba. Me yasa za ka fada masa haka?

FARUK

Ya tsaya ya tsare ta da ido Dan me ba zan fada masa haka ba?

RAHMA

Amma dai kasan yin auren sa shi yafi da ya zauna haka ko?

FARUK

Ba abin da zan yi a kai, dukiya ta bata yin aure-aure ba ce. Ina da abin da yafi muhimmanci sama da yin aure - sakin da ya ke yi. Kamar zai wuce.

RAHMA

Ta sake shan gabansa

Dan uwanka ne fa ya dace ka manta da kuskuren da yayi a baya.

FARUK

Nace ba zan yi ba! Ko dole ne? Ya wuce ya nufi motar, Garba ya kauce daga jikin motar ya koma daga dan nesa ya tsaya. Faruk yana hararar Garba ya bude kofar motar ya shiga. Rahma ta biyo shi.

RAHMA

Shi kenan haka za ka kyale shi? Cikin girgiza kai yasa hannu a aljihu ya dauko kudi ya kirga ya bata, ya zuba ragowar a kan dash board yana kokarin tashin motar.

RAHMA (CONT'D)

Ta karba tana kallon ragowar da ya ajiye. Shi kenan abin da za ka bashi?

FARUK

Ya juyo ya kalle ta, kafin yayi magana ta duma hannu ta debi kari.

RAHMA

Gaskiya sai ka kara masa. Faruk ya bude kofa zai fito.

HAFSAT I

Kamar za ta yi kuka

Abba mu tafi zan makara. Faruk ya fasa fitowa ya koma ciki, ya tashi motar. Rahma ta nufi wajen da Garba yake a tsaye. motar ta fita daga harabar.

RAHMA

Ta mikawa Garba kudin

Karbi wannan yace a baka, gobe ka zo ka same shi a gida in ya dawo.

GARBA

Ki bar masa kudinsa kawai.

RAHMA

Cikin daurewar fuska

Me kenan da hausa? Fushi ko kuwa me?

GARBA

Babu komai.

RAHMA

To in dai ba fushi ka yi ba ka karba.

GARBA

Ya dan yi jim sannan ya karba Shi kenan sai goben na dawo.

RAHMA

Ta saki fuskarta

Wajen yamma sai kazo lokacin ya dawo. Suka yi sallama ya juya ya fita, ita kuma ta nufi cikin gida.

EXT. AKAN HANYA (CIKIN MOTA) - MORNING

FARUK/HAFSAT I

Cikin mota a zaune kowanne da seat belt sun nufi makaranta.

EXT. MAKARANTA (BAKIN KOFA) - MORNING

Motar ta tsaya. yayin da Security ke ci gaba da aikin su.

HAFSAT I

Abba in za ka dawo za ka sayomin biskuit?

FARUK

In Allah ya yarda zan sayo miki, Hafsat.

Ya shafa kanta. Maza shiga makaranta.

HAFSAT I

Abba a dawo lafiya.

FARUK

Allah yasa, Hafsat.

Ya bude mata kofa ta fita, ta daga masa hannu shima haka tana tsaye, ya bar wajen cikin matsakaiciyar tafiya har ta daina ganin motar sannan ta yi cikin makarantar da gudu ta nufi aji.

INT. GIDAN ASABE ( FALO) - DAY

GARBA

Na zaune suna fuskantar juna da Asabe.

ASABE

Cikin nuna tsana

Wa! Rahma? Duk wannan abin da ta yi maka munafunci ne.

GARBA

Yayi shiru yana kallon yayarsa cikin mamaki. Rahman?

ASABE

Kai yaro ne, sai dai ka yi hakuri. In kuma kana da wasu 'yan kudi a wajenka sai ka har hada ka kawo a san yanda za'a yi a kai gidan su yarinyar.

GARBA

In ina da shi yaushe zan je wajensa?

ASABE

Cikin takaici tana girgiza kanta Amma Rahma ba ta ji dadin rayuwarta ba.

Ta yi ajiyar zuciya To yanzu yaya kenan za'a yi, Garba? Baraka ce ba mai son a taru a rufawa juna asiri ba da sai a hadu a san yadda za a yi.

GARBA

Ya dakatar da ita da hannu Kada ma ki sake cewa komai a kan Baraka itama 'yar goyon bayansa ce.

ASABE

Na ma tuna ba ta son a fadi laifin sa ko miskala zarratin.

GARBA

Za'a kai kudi. Ni kawai so na ke ki yiwa Malam Usman magana in lokacin yayi shi zai wuce gaba a kai kudin.

ASABE

Ta yi kasa da murya

Faruk din fa?

GARBA

Kawai ki bar maganarsa. Ni dai ki yi min abin da nace.

Ya mike tsaye.

ASABE

Ta bishi da kallo daidai lokacin da Mal. Usman ya dan yi tari daga daki.

Tafiya za ka yi?

GARBA

Wajen yarinyar zan je, nace su dan daga min kafa zuwa nan da mako biyu.

ASABE

Ta mike suka nufi tare. Rahma, ai sai dai Allah yayi mana hisabi tsakanin mu. Shi kenan sai ka dawo.

Garba ya bude kofa ya fita, Asabe na juyowa taga mijinta Mal. Usman (52) a tsaye a bakin kofa rike da jarida a hannunsa.

ASABE (CONT'D)

Cikin fara'a ta nufo wajen zaman ta Malam har ka farka daga baccin?

MAL. USMAN

Idona biyu.

Suka zauna kusan tare.

ASABE

Ashe ka ji sakon da Garba yace na shaida maka.

MAL. USMAN

Ya fara buda jaridar

Ina jin hirar da kuke yi. Kuma abin da zan sake baki shawara a kai shine, koda yaushe ki zama mai gyara tsakanin mutane ba mai kokarin bata wani ko zarginsu a kan abin da baki da yakininsa ba.

ASABE

Cikin kwaikwayon rashin fahimta Me na yi kuma Malam?

MAL. USMAN

Ni dai na gaya miki.

Ya ci gaba da duba jaridarsa.

EXT. KOFAR GIDAN SU MURJA - DAY

Garba da Murja a tsaye suna tadi.

MURJA

Tana yi masa wani irin kallo Wai kuwa Garba da gaske kana so na?

GARBA

Ya kalle ta cikin mamaki Wace irin tambaya ce wannan, Murja?

MURJA

Ai dole na tambaye ka, saboda har yanzu ka kasa yin komai a game da zancen kawo kudin da muka yi da kai. Gashi kuma jibi ne wa'adin da iyayena suka deba min dan na gabatar da wanda nake so garesu, ko kuma su aurar da ni ga duk wanda suka ga dama.

GARBA

Nima yanzun dalilin zuwa na kenan dan ki kara min lokaci in karasa 'yan shirye shiryen da suka rage.

MURJA

Cikin mamaki ta kama baki Yanzu kawo kudin zance ne sai ka wani shirya sai kace gobe daura aure?

GARBA

Amma kinsan na fada miki Yaya na na ke son sanarwa tun da su zasu kawo kudin.

MURJA

Jiya da zamu rabu ai cewa ka yi ba za ka dawo nan ba sai ka je ka same shin.

Ta kawar da kanta Gaskiya Garba in kasan baka shrya yin aure ba kada ka yaudare ni.

GARBA

To ai naje na same shin a yau.

MURJA

Ta dan saki fuskarta ta juyo gareshi

GARBA

Amma tunda kika ji na fada miki haka, kinsan akwai matsala saboda har yanzu yaki bani kudi na a hannu na.

MURJA

Cikin kosawa

Ina ganin kawai muna batawa junan mu lokaci ne. Ta juya za ta koma gida.

GARBA

Cikin damuwa da mamaki, yana kokarin fito da kudi daga aljihunsa.

Murja yaya za ki yimin haka? Ga kudin man da kika ce na sayo miki.

MURJA

Ta sake waigowa

Ka je ka hada ka kawo kudin zancen da su. Ko duk ranar da ka sami kudin da za akawo gidan namu, ka dawo. Ta juya ta nufi gida.

GARBA

Ya bita da kallo har ta shige gida, sannan ya juya ya tafi.

INT. GIDAN FARUK ( FALO) - AFTERNOON

Rahma da Hafsat I suna zaune a kan doguwar kujera sun harde suna tafa-tafa.

KANDE

Ta fito daga cikin kitchen ta zo ta sami Rahma. Kawo kudin maganin na je maza na dawo.

RAHMA

Ta bude jaka ta dauko dari biyar ta baiwa Kande Ki sayo kwali daya.

Kande ta tashi ta fita, Rahma da Hafsat I suka ci gaba da tafa-tafa, har ya zuwa lokacin da wayar da ke kan teburin ta fara kara. Rahma ta tashi ta je ta dauka.

RAHMA (CONT'D)

Ta kai kunnenta cikin sauraro. Hello!.. wa alaikamus salam. Fuskarta ta fara sauyawa cikin yanayin tashin hankali, yayin da wasu hawaye suka fara biyo kuncinta, ta juya ta kalli inda Hafsat I take tana wasa ba tare da sani ba.

EXT. GIDAN FARUK ( HARABA) - MORNING

Mutane sun yi sahu, gawar Faruk a cikin makara za a sallace ta.

MAL. USMAN

A sahun gaba.

INT. GIDAN ASABE ( FALO) - MORNING

RAHMA

A zaune kan darduma cikin lullubi fuskarta na hawaye.

KANDE

Cikin kuka kusa da Rahma a zaune.

EXT. GIDAN FARUK ( HARABA) - DAY

Mutane a zaz zaune ana zaman makoki

GARBA

Daga tsakiya yayi shiru kamar mai tunanin wani abu.

MAL. USMAN

Daga gefen Garba suna amsar gaisuwa tare.

INT. GIDAN FARUK ( FALO) - DAY

Rahma rungume da Hafsat I da Kande a kusa da ita, Baraka da Tani da Haj. Laure, a waje daya. Asabe da wasu mata biyu daga bangare guda. Uwani da wata dattijuwa su kuma aje daya. Kowacce cikin yanayin alhini.

RAHMA

Cikin hawaye

Inna lili lahi wa inna ilaihir raji'un.

TANI

Ta yi ajiyar zuciya

Kullu nafsin za ikatul mauti.

HAJ.LAURE

Cikin muryar ban tausayi Kowane mai rai macaci ne. Muma zaman jiranta muke yi.

BARAKA

Cikin tsananin damuwa

Allah ka jikan Yaya da rahma.

KANDE & CO

Amin.

Zuwa wani dan lokaci, Haj.Laure da Tani suka mike.

HAJ.LAURE

To mu za mu koma, sai kuma ranar sadaka. Allah ya kara hakuri.

RAHMA

Fuskarta cikin hawaye

Ku gaida gida. Haj. Laure da Tani suka durkusa a gaban Asabe.

TANI

To yaya za mu koma.

ASABE

Tani, an gode Allah ya bada lada. muje na taka muku.

Suka mike suka fita tare. Baraka ma ta mike ta bisu a baya.

EXT. GIDAN FARUK ( HARABA) - DAY

Mutane na zazzaune, Asabe da Haj. Laure da Tani suka fito suka raba za su wuce, suka dan tsaya daga gefe, Asabe ta yafito Garba da hannu. Mal. Usman ya fara gani sannan ya nunawa Garba, ya tashi yaje ya same su.

ASABE

Su Haj. Laure ne za su tafi, shi yasa na kira ka dan mu ji yanda za' a yi da Hafsat tun da suma suna da hakki a kanta.

GARBA

Cikin nuna fahimta

Gaskiya dai ya kamata tun yanzu musan wanda zai rike ta.

ASABE

Ta juya tana kallon su Haj. Laure Kusan bai dace a barta a hannun Rahma ba, ko kuwa?

HAJ. LAURE/TANI

Suka kalli juna daidai da isowar Baraka garesu.

BARAKA

Ta cafe zancen

A gaskiya Yaya Asabe a bar yarinyar nan a wajen Rahma, dan ni dai ban ga amfanin raba ta da uwarta ba.

HAJ. LAURE/TANI

(Cikin hadin baki)

Wallahi kin riga mu a fili mun riga ki a zuci.

TANI

Muma abin da muke so muce kenan, a bar ta ta ci gaba da zama da uwarta dai zai fi.

Asabe kamar za ta yi magana sai suka hada ido da Mal. Usman daga inda ya ke a zaune yana kallonta, fuskarsa kamar cikin yanayin da ke nuna zargi gareta.

GARBA

Yana yiwa Baraka wani irin kallo. Dole dai a san yadda za'a yi.

ASABE

Daman ai ba za'a rasa mai rike ta ne, amma tunda sun fadi haka ai shi kenan.

BARAKA

Ko ma dai za a yi a bari mana a gama jimamin abin da ya faru.

GARBA

Ya juya ya koma inda ya taso.

TANI

Ai bai ma kamata a ce za'a yi wannan maganar a yanzu ba.

HAJ. LAURE

Cikin nufin abin da za ta fada Ukn, ukn, Tani. Gwara dai a yi yanzu.

ASABE

Cikin rawar jiki da rudewa Ai wallahi shi kenan a bar maganar.

HAJ. LAURE

Ta yi mata wani kallo

A to. Tani mu tafi. Suka tura kofa suka fita, Baraka da Asabe suka juya suka nufi cikin gidan, Asabe na satar kallon Mal. Usman wanda ke cke da nuna jin haushin abin da ta yi.

INT. GIDAN ASABE ( FALO) - DAY

ASABE

Ta gama kukkulla gyada a leda ta zuba a karamin faranti, ta dangwarawa Hafsat I a ka.

HAFSAT I

Cikin yin kuka rigarta a yage, ta fita dauke da farantin talla.

EXT. CIKIN UNGUWA (KWARARO) - DAY

HAFSAT I

Dauke da farantin talla sanye da wata yagaggiyar riga. Ta nufi wajen wasu mutane da ke cin abinci ta tsaya tana kallon su.

MAZA BIYU

Suka dan rage kadan daga abincin, suka mikawa Hafsat I.

HAFSAT I

Ta ajiye farantin ta zauna ta fara cin abincin.

MAZA BIYU

Suka juya za su tafi, daya cikin tausayawa Hafsat I, dayan kuma ya zira mata ido yana yi mata kallon sha'awa. Abokinsa har ya dan yi gaba ya dawo ya ja shi suka tafi.

INT. GIDAN GARBA ( FALO) - NIGHT

Agogo na nuna Tara da minti goma.

HAFSAT I

A gefen kujera ta takure, sanye da kayan makaranta duk sunyi dukun dukun jakarta ta makaranta na kusa da ita.

MURJA

Ta taho wajen Hafsat I a fusace da wata 'yar robar abinci, ta daka mata tsawa ta jawo ta gaba, sannan ta dangwarar mata da kwanon abinci a gabanta. Bayan ta galla mata uwar harara, ta koma daki ta barta.

HAFSAT I

Ta fara cin 'yar farar shinkafar da ke cikin kwanon, hannu baka - hannu kwarya.

GARBA

Ya shigo kamar bai san tana wajen ba, ya wuce ya shige daki.

EXT. GIDAN GARBA ( KOFAR GIDA) - MORNING

Motar Faruk a ajiye, a bakin kofar gidan.

GARBA/MURJA

Cikin shirin zuwa unguwa suka fito suka shiga motar, suka tafi.

Dan jimawa kadan Hafsat I ta fito ko dan kwali babu gashinta duk yayi dukun - dukun, riga dabam wando dabam.

HAFSAT I

Ganin ba sa nan ta runtuma a guje ta nufi daya bangaren.

EXT. CIKIN UNGUWA (KUSA DA TITI) - DAY

HAFSAT I

Cikin galabaita tana tafiya ta nufo titi.

RAHMA

A motar ta, har ta wuce sai ta hangi Hafsat I. Nan da nan ta ja burki ta fito ta yiwo wajen Hafsat I a guje, suka rungume juna Rahma cikin tashin hankalin ganin halin da ta samu Hafsat I.

ASABE/GARBA

Suka tsaya a kanta cikin fusata.

RAHMA

Ta dago kai a hankali. Ganin su ya dada tayar mata da hankali, ta kwakwume Hafsat I, Asabe da Garba kokarin na kokarin kwace ta.

INT. GIDAN FARUK ( DAKIN RAHMA) - NIGHT

RAHMA

Kwance a kan gado tana kici - kici da bargo, ta farka a gigice.

A uzu bil lahi minash shaitanir rajim. Ta dan yi shiru, sannan ta tashi da sauri ta bude kofa ta fita.

INT. GIDAN FARUK ( DAKIN HAFSAT) - NIGHT

Akan gado, bargo ne a kudundune kamar ba mutum a ciki.

RAHMA

Ta shigo da sauri kamar an jeho ta, ta kalli yanda bargon yake. cikin yanayin karin tashin hankali, ta je ta bankada bargon.

HAFSAT I

A takure tana bacci.

RAHMA

Ta yi ajiyar zuciya, ta zauna kusa da ita, ta dan yi shiru, sannan ta kwanta a gefen Hafsat I.

EXT. KOFAR GIDAN SU MURJA - NIGHT

GARBA

Cikin kaya masu tsada, yana tsaye, Babur din da ya zo a kai na gefe a kafe.

YARO I

Ya fito daga cikin gidan ya same shi Wai tana zuwa.

GARBA

To na gode.

Yasa hannu ya dauko kudi daga a ljihunsa ya baiwa yaron ya tafi. Garba ya dada gyara tsayuwa ya duba agogon hannunsa.

MURJA

Ta fito cikin murmushi ta rufe fuskarta da hannu cikin jin kunya.

Har kasa na ji kunya, dan na yi zaton ba kai bane shi yasa da farko nace na yi bacci.

GARBA

Ya na murmushi

Ni kaina na yi mamaki, shi yasa na sake tura yaron.

MURJA

Ta yi masa wani irin fari da ido. Dan Allah darling ka yi hakuri.

GARBA

Babu damuwa. Yanzun ma sauri na ke yi.

MURJA

Cikin kinaya da shagwaba. Haba dan Allah, kwananka nawa rabonka da zuwa, yanzu kuma mintinanka nawa da har za ka tafi? Ta dada shagwabewa

Wallahi zan maka kuka.

GARBA

Ki kwantar da hankalinki, zan je wani waje ne. Kuma daman na zo na fada miki ne ki sanar da gida za'a zo jibi a kawo kudi da kuma sanya lokacin da za'a daura aure.

MURJA

Murna da jin dadinta da abin da ya fada. Gaba daya?

GARBA

Sannan kuma ni da ke tun daga yanzu mu fara tunanin irin abubuwan da za mu shirya na buki da kuma fatin da za'a yi.

MURJA

Cikin fara'a

Duk abin da kace shi kawai za'a yi.

GARBA

Ya sa hannu a aljihu ya zaro kudi masu dan yawa Shi kenan wajen gobe zan dawo mu san yanda za mu yi. Ga wannan. Ya mika mata kudin.

MURJA

Cikin nuna kunya

Dan Allah ka barshi.

GARBA

Ya dan sauya fuska

Kin raina kenan.

MURJA

Ta sake marairiacewa

Haba darling? To kawo. Ta karba har da dan rusnawa. Suka yi sallama ya hau babur ya tafi. Ba ta koma ciki ba har sai da ta daina ganinsa.

INT. GIDAN FARUK ( FALO) - DAY

RAHMA

Na daga gefe a kasa a zaune cikin lullubi. Mal. Usman da Mal. Hamza na kan doguwar kujera, Asabe na kan mai daya.

ASABE

To daman shine nace in dai tana ganin za ta iya zama dashi shikenan sai ya tare anan din. in kuma gidan za ta koma to.

MAL. USMAN

Ai daman nasan duk kece za ki fito da wannan tsirfar.

MAL. HAMZA

Ai shawara ta kawo ko?

MAL. USMAN

To indai haka ne, a raba gadon nan a yanzu shine mafi sauki. Menene amfanin jinkirin?

MAL. HAMZA

Ya dakatar da shi

Ai Malam Usman wannan mai sauki ne. amma a bari a kammala dukiyar tasa waje guda, sannan a yi bincike a biya masa basussukan da suka rage, in yaso sai a yi abin da za'a yi. Gadon nan fa na sune su da yarinyar da ya bari. Sai kuma ita da ke da tumuni. To ai kaga duk abin ba wani na tayar da hankali ba ne.

RAHMA

Ta ja mayafinta ta kara rufe jikinta sosai.

ASABE

Yawwa Malam, kuma bukin nan saura mako guda, in ba nan ba, a ina zai zauna?

MAL. HAMZA

Nima shawarar da muka yanke da Uwani kenan, tun da bukin shi Garba ya matso sai ita Rahma ta koma gida ta karasa takabar a can. Ko kuwa me ka gani?

Rahma ta yi shiru tana share hawaye, yayin da Asabe ke satar kallonta ta wutsiyar ido.

EXT. GIDAN FARUK ( HARABA) - EVENING

RAHMA

Tana zaune a kan kujera, cikin yanayin damuwa kamar tana tunani.

INT. GIDAN FARUK ( DAKIN RAHMA) - DAY

RAHMA

A zaune kan sallaya ta idar da Salla. Baban Hafsa, maganar sake pentin gidan nan, kwata kwata kama daina yin ta. Ko sai ka dawo daga Kadunan za mu sa rai?

FARUK

Yana tsaye yana sanya hularsa, ya dan yi dariya. Rahma kenan. Ai ni gaba daya ma na fasa yi. Menene na wani yiwa gida fenti sai kace mutum zai dawwama a cikinsa?

(Ya dauki agogonsa ya nufi kofa zai fita.)

RAHMA

Ta bishi da kallo tana kokarin mikewa tsaye Yanzu shi kenan ba za'a yi fentin ba?

FARUK

Ba zan yi musu fenti su shiga ba. Ya bude kofa ya fita.

RAHMA

Fuskarta ta sauya

Ban gane ba. (Ta dauki jakarsa ta bude kofa ta fita.)

INT. GIDAN FARUK ( DAKIN RAHMA) - MORNING

RAHMA

Zaune kan sallaya rike da jarbi cikin alhini, wasu kayan sawa da sarka da kudi a kai na kusa da ita. Karar rufe kofar yasa ta rintse idanunta, sannan ta bude yayin da wasu hawaye suka biyo kuncinta.

KANDE

Ta yi sallama ta shigo ta durkusa a gaban Rahma. Na gama harhada kayan kicin din.

RAHMA

Na cikin firinjin fa?

KANDE

Shima na wanke ba komai a cikin sa.

RAHMA

Ta fara dauko kayan ta ajiye a gaban Kande. Ga wannan, kya karasa aikin gida da su.

KANDE

Ta sunkuyar da kanta ta fara shashshekar kuka Ni dai ba abin da zan ce sai dai Allah ya jikan Faruku da rahma.

RAHMA

Hawaye itama suka biyo kuncinta. To yaya za'a yi.

KANDE

Cikin shashshekar kuka

Rahma ki gafarce ni in na yi miki kuskure a halin zaman mu.

RAHMA

Wallahi Kande babu komai, Allah ya yafe mana gaba daya.

Suka sake fashewa da kuka. Sannan Kande ta mike za ta fita.

ASABE (O.C.)

Rahma! Rahma!!

KANDE

Ta waigo a dan firgice ta kalli inda Rahma ta ke a zaune suka hada ido ta bude kofa ta fita.

RAHMA

Cikin yanayin razana

Na'am! Yaya. Tana kokarin mikewa.

INT. GIDAN FARUK ( FALO) - MORNING

Asabe na zaune a kan kujera, Garba ma haka cikin karewa falon kallo. Kande ta fito daga dakin za ta wuce.

KANDE

Cikin ladabi

Sannunku da zuwa Yaya. Ina kwana?

ASABE

Lafiya.

Garba yana kallon wani waje, Kande ta bude kofa ta fita.

ASABE (CONT'D)

Ta bita da kallo

Gayyar na ayya.

RAHMA

Ta fito cikin lullubi ta nufo kujera za ta zauna Yaya ke da Garba ne, sannun ku da zuwa.

ASABE

Ta gyara zama

Daman maganar karbar Hafsat ce ta kawo mu, kinsan rannan ba muce komai a kai ba. To shi ne muka zo mu sanar da ke cewar idan gobe za ki tafi sai ki kawo ta waje na, na fara riketa kafin a yi bukin Garba ya karbe ta ta ci gaba da zama a wajensa.

RAHMA

Alamar damuwa a fuskarta ta kasa magana.

GARBA

Me zai hana yanzu mu jira mu tafi da ita?

ASABE

Cikin murmushin mugunta Ka dai bari goben.

Ta juya ga Rahma Ai kin fahimci abin da na ce ko?

RAHMA

Ta yi shiru kanta a sunkuye.

ASABE

Ta shi muje Garba.

Suka mike suka nufi kofa, Garba ya fara fita, ita kuma ta dan saurara a bakin kofar ta juyo ta kalli Rahma. Allah ya jikan Faruku. Sannan ta juya ta fita. Rahma ta yi shiru na wani lokaci hawaye na bin kuncinta, sannan ta tashi ta je inda kan tarho ya ke ta dauka ta dialling lamba ta kai kunnenta cikin yanayin saurare.

MURYAR BARAKA

Hello anti Rahma, salamu alaikum.

RAHMA

Ta kasa magana da farko yayin da wasu hawaye suka sa ke biyo kuncinta.

EXT. ZAUREN SHAWARA (WAJE) - EVENING

Motar Faruk da ta Rahma a bakin wajen.

BARAKA (O.C.)

Wallahi ni dai ban goyi bayan a raba ta da ita ba.

GARBA (O.C.)

Ai kuwa ba zai yiwu taci gaba da zama a hannunta ba tun da komai na dangane da gadonta yana hannunmu.

INT. ZAUREN SHAWARA (CIKI) - EVENING

BARAKA

Ni dai maganar yarinya na yi. Mai unguwa da wasu manyan unguwa biyu suna zaune, Asabe a kusa da Baraka, Rahma kuma cikin lullubi rungume da Hafsat I.

MAI UNGUWA

Ya dakatar da su da hannu Wannan ba wani abu ne na tayar da hankali ba. Ke Rahma me kika gani?

ASABE

Ta tsare ta da ido.

RAHMA

Ranka ya dade duk abin da a kaga ya dace shine daidai a wajena. Yarinyar nan 'yar su ce suke da iko da ita.

Garba cikin sakin rai, Baraka cikin nuna rasihn jin dadi.

MAL. HABU

An san da haka, amma ai a yanzu ke ce uwarta, dan haka abinda ya fi masalaha shi za a yi ko dan kyautatuwar rayuwar ita yarinyar.

ALH. JIBRIN

Wannan haka ya ke.

MAL. HABU

Kuma bisa tsarin gaskiya ke yakamata kici gaba da riketa.

GARBA

Ragamar yarinyar hannunta za ta koma kenan dan mahaifinta ya mutu?

MAI UNGUWA

Wa ya ce maka haka?

Ya juya ya kalli Malam Habu Yarinya dai a ke nufin ta zauna wajen ta, sauran hakkokinta ba gaka ba sai kaci gaba da kula da su. Kai ne magajin mahaifinta ko kuwa?

ALH. JIBRIN

In a ka yi hakan an yi daidai.

MAL. HABU

Sai dai kuma kowannen ku sai yayi kokari ya kula da amanar da ke hannunsa.

Garba kamar zai yi magana, Asabe ta hana shi da ido.

ASABE

Shi kenan, Allah ya taya riko. Baraka kamar ranta bai so ba.

INT. GIDAN SU RAHMA (TSAKAR GIDA) - EVENING

RAHMA

Cikin lullubi tana zaune tana karatu.

UWANI

Ta fito daga ban daki, ta dan tsaya ta kalli Rahma kafin ta ajiye butar ta zo ta shiga daki.

HAFSAT I

Ta dawo daga islamiyya ta zo ta zauna kusa da Rahma.

EXT. SNACK SHOP - DAY

Motar Faruk a ajiye a kofar wajen.

GARBA/MURJA

Sun fito rike da abubuwan da suka sayo a cikin leda. Suka shiga mota, ya saki sauti, ya juya suka bar wajen.

EXT. AKAN HANYA (BABBAN TITI) - DAY

Motar Faruk na wucewa, kida na tashi daga cikinta.

GARBA

Hannunsa daya na kan sitiyari ya karkace yana tukawa.

MURJA

A gefe a zaune tana wasa da waya tana rausayawa daga zaune. Motar ta nufi rukunin gidajen G. R. A.

INT. GIDAN BUKI - DAY

Mata sun hadu ana ta hayaniyar buki.

RAHMA

Ta shigo gidan cikin lullubi.

TANI

Ta tare ta da fara'a.

Lah! Rahma ai na dauka ma ba zaki zo ba. Ashe kin fita daga takaba?

RAHMA

Cikin yake

Wajen sati biyu.

TANI

Cikin raha.

Ai ba mu ga sadaka ba.

RAHMA

Wace sadaka zan yi banda addu'ar da na ke masa a koda yaushe. Suka yi dariya suka nufi wajen su Baraka.

BARAKA

Ta rungume Rahma

Anti Rahma, o yo yo!

RAHMA

Ni dai kada ki kayar dani.

BARAKA

Cikin murmushi ta dan kalli Rahma An dai fita? To Allah ya bada ladan takaba.

HAJ. LAURE/TANI

Suka amsa kusan lokaci guda.

BARAKA

Allah ya kawo wani bazawarin da gaggawa.

RAHMA

Kinji ta kuma, za ta bata rawar da tsalle.

HAJ. LAURE

Cikin fara'a

Ai addu'a ta yi, sai dai ace ba ta karasa da cewa na gari ba. Suka sake kwashewa da dariya.

HAJ. LAURE (CONT'D)

To Baraka ki ji da ni maganar wadda za ta yiwo mana Cincin da Cake da samosa da meat pie din nan. Ta dan yi shiru tana saurare.

BARAKA

Ni dai a yanzu kam bani da wadda za ta yi mana.

Ta kalli Tani Ke ce mai kawaye da yawa.

TANI

Kema ba ki samu ba, sai ni.

BARAKA

Anti Rahma ki taimaka mana.

RAHMA

Ta dan yi dariya

Akwai wata da nasan tana yi.

Dakkaninsu suka nuna jin dadi.

HAJ. LAURE

Yawwa! Rahama dan Allah ki taimaka mana, mu fita kunya.

RAHMA

Tana murmushi

Nasan in dai na same ta za ta yi, amma ita matasalar daya.

HAJ. LAURE

Cikin nuna matsuwa

Menene mastalar?

RAHMA

In dai kana son aikinta a kan lokaci to sai ka bata rabin kudin aikin.

Alamar sakin rai a fuskar Haj. Laure da Tani.

HAJ. LAURE

In wannan ne ta kwana gidan sauki. Nawa zan baki kije da shi?

EXT. KASUWA - DAY

RAHMA/KANDE

Ta kawo wasu kayan ta tana sayarwa. An saya an bata kudin, ta juya ta tafi.

EXT. KASUWA - DAY

RAHMA/KANDE

Suna sayayyar kayan aiki.

INT. GIDAN SU RAHMA (TSAKAR GIDA) - EVENING

RAHMA/KANDE

Sun hada gumi suna yin aikin tare sun kusa kamallawa.

UWANI

Ta zo ta dauki wani abin tana yi. Rahma ta bar abin da ta ke yi, ta zo zata karbe ta, Uwani ta hana ta.

INT. GIDAN BUKI - EVENING

Mata na ta hayaniya an ta kaiwa da kawowa, wasu na aikin abinci. Tani ta zo ta sami Haj. Laure.

TANI

Kayan party kada a manta.

HAJ. LAURE

Tayi kamar ta tuna

Allah ya shi miki albarka. Ina Baraka?

INT. GIDAN SU RAHMA (TSAKAR GIDA) - EVENING

Manyan robobi na aiki wasu a rufe, Kande na karasa rufe wata babbar roba mai dauke da kayan cincin da leda. Rahma a gaban kaskon tuya ta hada gumi kashirban. Hafsat I na daga gefe a kan tabarma da littafi tana karatu.

KANDE

Yaya, wannan ma ya kamalla.

RAHMA

To Kande. Ba ri na karasa sai na je na samo tasi mu yi maza mu kai musu kada lokaci ya kure.

KANDE

Tana kokarin daukar robar Bari na leka kofar gida ko za'a samu.

Rahma ta taso ta kamawa Kande su ka kinkima suka ajiye daga gefe. Rahma ta koma kan kaskon tuya. Kande ta nufi kofa zata fita, suka yi kacibus da Baraka tana shigowa.

BARAKA

Salamu alaikum.

Kande da Rahma suka amsa kusan lokaci guda, Hafsat I ta tashi taje ta rungume Baraka.

HAFSAT I

Anti sannu da zuwa.

BARAKA

Ta kasa amsawa Hafsat I sai dai ta kama hannunta ta rike.

RAHMA

Ta juyo cikin fara'a

Sannu da zuwa.

KANDE

Wannan fitar da zan yi ta neman mota ce.

BARAKA

Cikin matukar mamaki a inda ta ke a tsaye rike da Hafsat I.

RAHMA

Karaso ga kujera.

Ta janyo wata karamar kujera kusa da ita.

BARAKA

Tana rike da Hafsat I ta zo ta zauna kusa da Rahma Bangane da yin tuya a gaban wuta ba.

KANDE

Maganar samo motar.

RAHMA

Tana kallon Baraka

Da ke ta ke.

BARAKA

Ba tare da dauke idonta daga kan Rahma ba Da mota nazo.

RAHMA

Kin ji da mota ta zo Kande. Kande ta koma kan wani aikin.

BARAKA

Haba Anti, gaskiya ban yi zaton za ki yi mana haka ba.

RAHMA

Ta ci gaba da abin da ta ke yi Sana'a sa'a ko kuwa?

BARAKA

Don Allah Anti Rahma daman ke ce za ki fara sana'ar nan, amma ba ki fada ko jari a karba a cikin gadon Hafsat a baki ki rinka juya ba.

RAHMA

Ta tsame wanda ke kan wuta ta yi wata 'yar karamar dariya Baraka kenan kudin makarantar ma kun gagara ku biya, ina kuma ga bani jarin yin kasuwanci...

BARAKA

...dakata Anti. Kina nufin ba a biya kudin makarantar ta ba?

RAHMA

Kwarai kuwa.

Ta tsare Baraka da ido.

EXT. MAKARANTA (HARABA) - DAY

HAFSAT I

A zaune a barandar aji rungume da jakarta da wata takarda a hannunta cikin damuwa. Motar Rahma ta shigo, har ta yi parking Hafsat I ba ta tashi ta je ba.

RAHMA

Ta fito tana duba agogo alamar ta shigo kafin a tashi, ta je ta same ta ta tsuguna a gaban Hafsat I. Fitowa kika yi kafin ku tashi ko?

HAFSAT I

Ta girgiza kanta

Ba a barni na shiga aji ba.

RAHMA

Nan da nan fuskarta ta sauya An hana ki shiga aji?

HAFSAT I

Ta mika mata takardar da ta ke rike da ita. Wannan a ka bani.

RAHMA

Ta karba ta duba, yanayin damuwa a fuskarta, ta mike tsaye. Taso mu tafi.

Ta kama hannun Hafsat I suka nufi gun motar suka shiga Rahma ta rufe kofa.

EXT. GIDAN FARUK ( HARABA) - DAY

RAHMA

Ta bude kofa ta fito daga motar, ta nufi cikin gidan da sauri. Motar Faruk na ajiye a wajen.

GARBA

Yana fitowa daga cikin gidan.

MURJA

Na biye dashi. Ganin Rahma yasa suka dan dakata ta zo ta riske su.

RAHMA

Salamu alaikum.

MURJA

Tana yi mata wani kallo.

GARBA

Rahma lafiya?

RAHMA

Wurinka na zo. Naje ofis ance baka nan shine na biyo ka gida.

GARBA

Yana murmushi

Kinsan yanzu Allah ya kawo hutu, bana fita da wuri tun da muma yanzu sai dai muyi yanda muke so. mamaki ya bayyana a fuskarta ta yi shiru ba ta ce komai ba.

MURJA

Ta fara wata irin yankwana. Darling ka yi maza ka tafi, yunwa na ke ji.

GARBA

Kinga sauri na ke yi, zan je na sayo wa matata abinci. Me zai hana ki dawo wani lokaci?

RAHMA

Maganar kudin makarantar Hafsat ne ya kawo ni saboda yau ba a barta ta shiga aji ba.

GARBA

Ya yi kwaikwayon tunawa Ai ni na manta. Kuma a gaskiya yanzu ba kudi a kasa, sai dai ki bari farkon watan gobe sai aje a biya. In kuma ke za ki zo ki karba sai kizo ofis ki saman, amma ba gida na ba, dan bana son a rinka zuwa wajena ko da yaushe.

RAHMA

Cikin mamaki

Kudin makarantar da za'a biya ne babu? Amma Garba in ka yi haka ba ka yi adalci ba.

GARBA

Ke Rahma wallahi ki kiyayi halshenki kinji ko!

Yana nuna ta da yatsa

RAHMA

Garba ni ka ke dakawa tsawa?

GARBA

Yimin shiru! Ko kuma na lakada miki dan banzan duka a gidan nan. Ya daga hannu kamar zai dake ta.

RAHMA

Ta dakatar da shi da nunin yatsa Saurara!

Garba ya sauke hannunsa ya yin da Murja ke cike da tsoron ganin yanda fuskar Rahma ta canja. Ta dawo ta rakube a bayan Garba.

RAHMA (CONT'D)

Ka da kuskura hannunka ya taba jiki na, wallahi sai na yi kasa kasa da kai.

MURJA

Dan Allah darling ka rabu da ita ka je ka siyomin snack din.

GARBA

Ya dan saci kallon Murja yayi ajiyar zuciya, ya kalli Rahma. Kin ci arzikin halin da matata ta ke ciki, amma da kinga yanda a ke wulakanci.

Ya nufi wajen motar Faruk.

RAHMA

Kai ma kuwa da ka gane kuskurenka.

GARBA

Ya bude mota ya shiga. Kada ki sake na dawo na same ki a gida na. Ya ja motar ya fita.

RAHMA

Shashasha mara kunyar banza mara kunyar wofi. Maciji wanda baya ramin kansa.

Ta je ta bude motarta ta shiga sannan ta waigo ta kalli Murja. Ke kuma kallon me kike yimin?

MURJA

Cikin jin tsoro.

Allah ya baki hakuri. Ta juya sum sum ta shige gida. Rahma ta tuka ta fita.

INT. GIDAN SU RAHMA (TSAKAR GIDA) - DAY

UWANI

Ina ke ina tanka masa uhmn?

RAHMA

Ai wallahi ba zan kyale ba tun da dai dukiyarta ce. Mun riga munsa kafar wando daya da shi kenan.

MAL. HAMZA

Ya leko daga daki

Me kike cewa Rahma?

RAHMA

Ta sunkuyar da kanta.

MAL. HAMZA

Ya karasa fitowa

Daman abin da kike so kiyi kenan, shi yasa kika je kika same shi dan kuyi tashin hankali da shi.

RAHMA

Maganar kudin makarantarta...

MAL. HAMZA

Ya tari numfashinta

Kudin makaranto! Nace makaranto!! Ya tsaya a kanta To bari na gaya miki, daga yau kada na sake jin kin yi wata magana a game da hakkin Hafsat, in kuwa ba haka ba, za ki gamu da bacin ran da baki taba gani ba.

UWANI

Ni kaina sai da na gargade ta.

MAL. HAMZA

Kaga sakarai. In kinsan ba za ki iya rike ta ba, ki mayar da ita gare su mana, ai su sai su rike ta tun da 'yar dan uwansu ce.

RAHMA

Idanuwanta suka cika da kwalla.

MAL. HAMZA

Shashasha wadda ta ke nema ta jawowa mutane abin magana a gari. Ya juya ya fita.

UWANI

Cikin takaici.

Daman abin da na jiye miki kenan. Rahma ta sunkuyar da kanta tana hawaye.

BACK TO:

INT. GIDAN SU RAHMA (TSAKAR GIDA) - EVENING

Rahma na karasa share hawayen fuskarta.

BARAKA

Ckiin karin harzuka ta mike tsaye Ina zuwa.

Ta nufi kofar fita.

RAHMA

Ta mike tsaye itama Kayan patin kuma fa?

BARAKA

Har ta kai kofa ba tare da ta juyo ba Ga Kande nan ki aiketa ta kai musu. Ta fice ta bar Rahma a tsaye cikin fargaba.

INT. GIDAN ASABE ( KOFAR GIDA) - EVENING

Asabe na fitowa cikin shirin zuwa unguwa, motar taxi na tsayawa a kofar gidan, Baraka ta fito.

ASABE

Alamun fargaba a fuskarta ganin Baraka.

BARAKA

Ta sallami mai taxi.

ASABE

Allah ya yi za ki saman, wajen wunin bukin nan na ke shirin tafiya.

BARAKA

Fuskarta cikin damuwa

Yaya ke kika hana Garba ya biya kudin makarantar Hafsat?

ASABE

Cikin tsorata da mammaki ta kama baki Ni! ko kadan.

Tana girgiza kanta Yaushe rabon da na sa Garba a ido na?

BARAKA

Wannan ai cin amana ne.

INT. OFISHIN FARUK (CIKI) - EVENING

GARBA

Ya dora kafarsa daya kan daya yana waya Kada ki damu nawa ne kudin? Alamar saurare.

MURYAR MACE

Gaskiya zai kai Fifty thousand. Baraka ta yi sallama ta shigo ta tsaya.

GARBA

Ya dan daga kai ya kalli Baraka. ya jinjina kansa Shi kenan zan aiko miki da dubu hamsin din.

MURYAR MACE

Thank you darling. Na gode da yawa, please don't keep me waiting.

GARBA

Kada ki damu, zan kira ki in an jima.

Ya kashe wayar ya sake duban Baraka. Baraka lafiya kika tsayamin kerere a gaba haka?

BARAKA

Mai ya hana a biya kudin makarantar Hafsat?

GARBA

Ya gyara zama yana kallonta saboda babu kudin a kasa a lokacin da a ka ce a biya.

BARAKA

Amma ai har yanzu yarinyar tana gida, kuma ma yaya za'a yi ka ce wai babu kudin da za'a biya, bayan yarinyar abin da a ke samu na riba ma daga dukiyarta ya isa a yi duk wata dawainiyarta.

(CONT'D)

GARBA

Ya daki tebur yana mai mikewa tsaye Ke Baraka! Shiga taitayinki. Wato kun hado baki da Rahma kin zo kici mutunci na ko?

BARAKA

Ta kawar da kai

Kawai malam ka saki dukiyar marainiya.

GARBA

Ba za a bayar ba. kuma wallahi ki fita daga ofis din nan ko kuma naci zarafinki yanzun nan.

BARAKA

Wallahi ba ka isa ba! in ita ta kyale, ni ba zan kyale ba.

GARBA

Ki fita ki barmin ofis nace! Yana kokarin zagayowa cikin fusata.

BARAKA

Tana ja da baya zuwa kofa Zan fita na bar maka ofis mai ofis, amma a kan hakkin Hafsat sai inda karfina ya kare.

GARBA

Ya nade hannun riga yana huci Za Ki fice min daga ofis ko kuwa?

BARAKA

Ta bude kofa ta fita.

INT. MAKARANTA (OFISHIN HEAD MASTER) - DAY

RAHMA

Ta gama kirga kudi ta mikawa head master.

HEAD MASTER

Ya karba ya rubuta reciept ya bata, Rahma ta tashi ta fita.

EXT. HARABAR KOTU - MORNING

Kai da kawowar mutane, wasu a cikin kayan lauya, wasu a kayan gida.

BARAKA

Ta biyo wajen tana 'yan dube - dube, ta tsayar da wani cikin kayan lauya tana tambayarsa.

LAUYA I

Bayan ya gama sauraronta ya nuna mata wata kofa an rubuta MULTI DOOR COURT a saman ta da manyan baki.

INT. MULTI DOOR COURT - MORNING

Wani ma'aikaci a zaune kan kujera da teburi a gabansa mai cike da takardu yana shirya su a cikin wasu file - file.

BARAKA

Ta bude kofa gami da yin sallama ta shigo.

MA'AIKACI I

Ya daga kai ya kalleta

Wa alaikis salam.

BARAKA

Ta isa gareshi

Yallabai korafi nake dashi.

EXT. GIDAN FARUK ( HARABA) - DAY

Garba na fitowa zai shiga mota, Masinjan kotu na shigowa.

GARBA

Malam lafiya?

MASINJA

Yana zaro wata doguwar ambulan Daga kotu na ke a ka ce na kawo maka wannan takardar sammaci ce. Ya mikawa Garba.

GARBA

Kotu kuma?

Ya karba ya farka yana dubawa. Ya gama dubawa ya dago kansa cikin yanayin damuwa.

INT. MULTI DOOR COURT - DAY

Alkalin na wajen zamansa, sauran ma'aikatan kotun na gudanar da ayyukan su, yayin da Tani da Rahma ke waje guda, Garba kuma na daya bangaren tare da Asabe, Mai unguwa da Mal. Habu da Alh. Jibrin da kuma Mal. Usman a waje daya.

BARAKA

Tana mikawa Proscutor wasu takardu Ga kwafi din takardun.

PROSCUTOR

Ya karba ya mikawa Alkali.

ALKALI

Ya karba yana dubawa

Sune abubuwan da ta gada daga rabon gadon nata?

BARAKA

Sune ranka ya dade.

ASABE

Suka hada ido da Mal. Usman ta yi maza ta kawar da kai.

MAL. USMAN

Fuskarsa cikin nuna takaici.

PROSCUTOR

Ka ji dukkan bayanan da a ka gabatar a game da maganar dukiyar wannan yarinya da ta ke hannunka. Haka ne ko ba haka ba ne? Garba ya saci kallon Asabe, suka hada ido ta sunkuyar da kanta.

GARBA

Haka ne.

PROSCUTOR

Ya juya wajen Alkali

Ya ce haka ne ya mai Shari'a.

ALKALI

Ya jinjina kansa, ya yi rubutu a kan takardar da ke gabansa To daman abin da kotu ke bukata maslaha, kuma halin da ka nuna ya tabbatar da ba za ka iya kula da wannan marainiyar yarinya ba. Don haka kotu za ta tattara dukkan hakkin yarinyar da ke wajen ka, ta sanya su a muhallin da ya dace domin kula da ita bisa adalci da rikon amana.

RAHMA

Ta yi shiru kanta a sunkuye.

TANI

Ta dan zunguri Rahma da kafada.

BARAKA

Alamar farin ciki a fuskarta.

EXT. KOFAR GIDAN SU RAHMA - DAY

Kafinta na kafa signboard mai dauke da tallan sana'ar Rahma.

RAHMA

Na tsaye tana kallon yanda yake aikin

KAFINTA

Ya gama ya sauko, Rahma ta sallame shi ta shiga gida. Ba dadewa wasu mata a mota suka zo wucewa suka hangi signboard din suka tsaya, daya ta fito ta shiga gidan.

INT. GIDAN SU RAHMA (TSAKAR GIDA) - DAY

Rahma tare da 'yan aikinta tana bayar da umarni/aiki.

MACE I

Ta shigo tayi tambaya a kan abin da ta ke so.

RAHMA

Suka yi tsada da ita.

MACE I

Ta bude jaka ta dauko kudi ta fara kirga ta mikawa Rahma.

KANDE

Ta shigo gidan ta dawo daga sayayya.

HAFSAT I

Ta tashi da gudu taje daki ta dauko raciept ta kawo.

RAHMA

Ta karba ta rubuta ta baiwa matar. Suka yi sallama ta fita.

INT. GIDAN SU RAHMA (CIKIN DAKI) - DAY

HAFSAT I

Ta yi rub da ciki tana rubutu a kan littafi.

RAHMA

Ta shigo ta cire mayafinta ta dora/rataye ta dauki wata riga ta fita.

HAFSAT II

(18) Ta yi ringingine tana nazarin wani littafi.

RAHMA

Ta sake shigowa ta umarce ta taje ta yiwo alwala bayan ta nuna mata agogo.

INT. MAKARANTA (CIKIN AJI) - MORNING

MALAMI II

Yana rubutu a kan allo ya gama ya juyo yayi tambaya Dalibai su ka yi shiru kafin wani Yaro II da Hafsat II su daga hannu kusan lokaci guda.

MALAMI II (CONT'D)

Ya baiwa yaron dama.

YARO II

Ya mike ya bayar da amsa ba daidai ba, Malami II ya zaunar da shi sannan ya nuna Hafsat II.

HAFSAT II

Ta mike ta yi bayani cikin nutsuwa. Malami II ya fara tafa mata kafin sauran yaran ajin.

INT. BOOK SHOP - DAY

RAHMA

Na sayen littafan karatu na 'yan aji Shidda.

INT. GIDAN SU RAHMA (TSAKAR GIDA) - MORNING

UWANI

Na yiwa Hafsat II wasan jika da kaka.

Rahma ta shigo sanye da hijabinta da jakar leda ta je ta ajiye.

HAFSAT II

Ta tashi da gudu ta je ta rungume ta, suka dawo tare suka zauna a kan tabarma. Uwani ta tashi ta shiga daki. Hafsat II ta dauko littafinta ta bude.

INT. MAKARANTA (CIKIN AJI) - DAY

Dalibai kowa ya nutsu ana jarrabawa.

HAFSAT II

Ta dukufa tana rubutu.

INT. GIDAN SU RAHMA (CIKIN DAKI) - NIGHT

RAHMA/HAFSAT II

Sun bude kur'ani suna karatu tare. Zuwa wani lokaci.

HAFSAT II

Ta tashi ta na lafila, sannan ta kwanta.

EXT. MAKARANTA (HARABA/NOTICE BOARD) - DAY

Wani malami ya zo ya kafe wata takarda, ya juya ya tafi. A kan takardar sunayen yaran da suka zama na daya da na biyu har zuwa na goma a jarrabawar da a ka yi a gaba dayan jihar. Sunan "HAFSAT FARUK" ne na farko a ka rubuta balo - balo da manyan baki. An tashi, yara sun fito gaba daya. wasu suka nufi notice.

HAFSAT II

Na daga baya a tsaye.

FA'IZA

Ta gani cikin murna ta juya ta kamo hannun Hafsa II. Nan da nan sauran yaran suka rungume Hafsat II.

HAFSAT II

Ta kwace da kyar, ta runtuma a guje ta nufi gida.

INT. GIDAN SU RAHMA (TSAKAR GIDA) - DAY

RAHMA

Na fitowa daga daki za ta fita.

HAFSAT II

Ta shigo a guje.

Umma! Umma.

RAHMA

Lafiya?

HAFSAT II

Ta je ta rungume ta.

Umma jarrabawar da muka yi, na zo ta daya a duk fadin jihar nan.

RAHMA

Ta dan banbare ta daga jikinta tana kallonta Hafsat! Hafsat!! Hafsat!!!

HAFSAT II

Ta kalli Rahma tana murmushi.

RAHMA

Ta sake rungume ta tana hawaye. Allah na gode maka. Allah kai ne abin godiya.

EXT. MAKARANTA (HARABA) - DAY

Iyayen yara Malaman makaranta da suran jama'ar gari. Dalibai maza da mata kowanne cikin kayan makranta.

HEAD MASTER

Na tsaye a wajen da a ka kebe da yin jawabi. Saboda haka mun gode muku. A yanzu kuma zan kira mai girma shugaban karamar hukuma domin ya bayar da kyautar yabo ga wannan yarinya. Head master ya sauka, Chairman ya hau.

MAI GABATARWA

Hafsat Faruk!

Hafsat II a kusa da Fa'iza ta tashi ta kutso cikin dalibai 'yan uwanta, ta nufi kan munbari.

CHAIRMAN

Rike da kyautar yana murmushi, ya mikawa Hafsat II.

HAFSAT II

Ta dan risna ta karba.

Mutane suka rude da tafi.

RAHMA

Cikin murmushi wasu hawaye na bin kuncinta.

BARAKA

Cikin murmushi tasa hannu ta sharewa Rahma fuska.

TANI

Ta dan kwanta a jikin Rahma tana dariya.

ASABE

Na daga gefen Tani, cikin murna da murmushi har da tafawa ta mike tsaye.

Mutane suka dan saurara.

MAI GABATARWA

Ya mikawa Hafsat II Microphone.

HAFSAT II

Ta karba da hannun dama, yayin da ta ke rike da kyautar a hannun hagu.

Na godewa Allah wanda ba shi da abokin tarayya. Kuma ina godiya ga dukkannin jama'ar da suka taru anan. Ta dan saurara ta kalli bangaren da su Rahma ke zaune.

HAFSAT II (CONT'D)

Kafin nace komai, ina rokon da mahaifiya ta ta fito filin nan ta tsaya.

RAHMA

Cikin matukar farin ciki ta kalli Baraka.

BARAKA

Tana murmushi ta cicciba Rahma Maza je ki mana.

RAHMA

Ta tashi ta je ta tsaya a kusa da inda Hafsat II ta ke.

HAFSAT II

Ba tare da ta kalli Rahma ba Sannan ina sake godiya ga Allah da kuma mahaifiya ta Rahma, wadda ba dan jajircewarta da taimakonta ba, da yanzu ina tallan gyada ko goro.

ASABE

Cikin sanyin jiki ta sake komawa ta zauna.

RAHMA

Gaba daya kowa ya koma ga duban Rahma.

RAHMA (CONT'D)

Wasu hawaye suka biyo kuncin ta, ta sa hannu ta share.

HAFSAT II

Cikin ladabi ta mikawa Rahma microphone.

RAHMA

Ta karba ta dan yi shiru Da farko nima godiya zan yi ga Allah Madaukakin Sarki tare da duk wanda ke wannan wajen,sannan da kuma malamanta wadanda suka bada da gagarumar gudummawa ga wannan yarinya.

Mutane suka sake tafawa, ta sake share wasu hawayen.

RAHMA (CONT'D)

Sai dai kuma dalilin zubar hawaye na a yau shine, ga Hafsat ta fara kaiwa ga matakin da uwarta da ubanta suka mutu da burin ganin ta kai ba tare da sun shaida wannnan rana ba.

Alhini a fuskar Baraka da Tani da wasu daga cikin mutane.

RAHMA (CONT'D)

Hakika nin gaskiya ba nice na haifi Hafsat ba.

HAFSAT II

Cikin hawaye da tashin hankali ta juyo da sauri ta kalli Rahma.

RAHMA

Ta kalle ta cikin ban tausayi tana hawaye.

INT. A DAKI - NIGHT

RAHMA

Cikin hawaye durkushe a kusa da Maryam.

MARYAM

A kwance cikin halin tsanantar ciwo taja numfashi da kyar. Jinjinniya a shimfide kusa da ita tana bacci.

RAHMA

Sannu Yaya.

MARYAM

Ta amsa da kyar

Rahma, nasan irin zaman da muka yi da ke. Ta yi wata gyatsa. Dan haka ina son koda Allah yasa ban tashi daga ciwon nan ba, ga Hafsat nan amana a hannunki.

RAHMA

Cikin hawaye ta sa hannu ta dauki jinjiniyar ta rungume. Allah ma zai baki lafiya.

MARYAM

Ki rike ta kamar ke kika haife ta, saboda koda Allah ya raya ta, mai yiwuwa ta zama mai amfani ga dukkan al'umma.

RAHMA

Dan Allah Yaya Maryam ki daina tayarmin da hankali.

Maryam ta sake yin gyatsa gami da fara shakuwa.

RAHMA (CONT'D)

Ta yi maza ta ajiye jinjinniyar. Yaya! Yaya Maryam!

Ta kurawa Maryam ido, wasu hawaye suka sake kwaranyowa daga fuskarta.

EXT. MAKARANTA (HARABA) - DAY

RAHMA

Hannun Rahma na karasa share hawayen da ya biyo kuncinta.

ASABE

Cikin hawaye kashirban, tana mai girgiza kanta cikin nadama.

wajen yayi tsit kowa na kallon Rahma da Hafsat II cikin yanayi na tausayi.

RAHMA

Ta yi ajiyar zuciya a hankali. Duk da ban kasance mahaifiyar Hafsat ba, amma ina mai matukar farin ciki da ubangiji Allah ya bani damar kawo Hafsat izuwa wannnan gaci.

Ta kalli wajen da Baraka ta ke

Sannan ina matukar godiya ga 'yar uwar mahaifinta wadda ta jajirce wajen ganin an sanya gadon Hafsat a matsayin da ya dace, dan Hafsat din ta sami amfana daga dukiyar da mahaifinta ya sha wahalar tarawa, dan ganin 'yar sa ta sami ilimin da zai amfane ta da sauran al'umma gaba daya.

Ta sake yin ajiyar zuciya a hankali

A karshe ina fatan al'umma da hukuma za su taimaka wajen kula da marayun yaran da ba su da iyaye, dan inganta rayuwar su da kuma bada tallafin wajen daukar nauyin iliminsu.

Ta mikawa Mai Gabatarwa microphone, cikin tausayawa ta kalli Hafsat II sannan ta juya a hankali tana mai barin wajen tana sake goge fuskarta.

HAFSAT II

Ta na rike da kyautar ta runtumo a guje ta zo ta rungume Rahma suna kuka tare.

FREEZE

END CREDIT